شرايكم .. تبون تعرفون شيسوون البنات والشباب اذا رن جرس الفسحة ..
- تشوف شلة بنات داشين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس ..
- كل بنت تمشي وفي مخباها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تسوي تليفون للدكان اللي على الشارع ..
- والبنات الاذكية البوحمص اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت رفيجتها غايبة فيه ....<<< و هي شكو صديقتها اللي غايبه ولا هي
- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع خربان ..
خلونا من البنات وانروح انشوف شيسووون الشباب في الفسحة ..
- تحصل واحد منهم نايم طول الحصة واول مايرن الجرس يدعي على اليوم اللي دش فيه المدرسة
( لان حلمه انقطع بسببهم )
- واثنين ينطرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم و يشقحون من السور ويشردون من المدرسة ويمرون على كم دكان في طريقهم وبعد نص ساعة يرجعون المدرسة ..
- وشلة تروح ورا المدرسة ويتمون يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز و على طول مساكين تلفون لأولياء امورهم<< احسن التدخين مو زين
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم و شات )